Kominn tími til að hætta?

Ökumaður um áttrætt keyrði yfir gangandi vegfaranda hér nýlega.  Hörmulegt slys og konan sem keyrt var yfir slasaðist nokkuð.

En, af því að hinn aldraði ökumaður var ekki alveg viss á því hvað gerðist stoppaði hann og bakkaði til að athuga hvað gerðist - og ók þá aftur yfir konuna.

Sorglegt er það ef ökumannsferill endar með svona atburði.  Aldraðir ættu sjálfir að hafa frumkvæði að því að láta meta ökuhæfni sína og hætta áður en svona nokkuð gerist.

Í raun er það ástæða til að fagna og halda veislu ef ökumaður hættir að keyra eftir 60 ára akstur án stórslysa.

Athugasemdir

[Stefán (IP-tala skráð) 15.10.2007 kl. 13:23]

Það er fullt af kolrugluðum gamalmennum í umferðinni hér. Þetta fólk læðist á 20 km hraða þar sem má keyra á 60, svínar fyrir fólk og ekir yfir á rauðu ljósi. Það eru náttúrulega nánustu ættingjar, heimilislæknar og lögregla sem eiga að sjá til þess að svipta slíka einstaklinga ökuleyfum.