Vinnutímabrandarar

Merkilegt þetta með vinnuvikur í ólíkum löndum.

Í Ameríku eru í gildi lög um að hámarksvinnuvika lækna í starfsþjáflun sé 80 klst á viku.  Þegar sagt er frá því heima á Íslandi fer fólk venjulega að hlæja, enda þokkalegur þrældómur að þurfa að vinna 80 kls á viku. 

Á slysaskurðdeildinni þar sem ég vinn nú þennan mánuðinn er síðan í gildi undanþága frá þeim lögum þannig að við förum upp í 88 klst vinnuviku - skv skráðum vinnustundum þó við í raun verjum nokkuð fleiri stundum í vinnunni í hverri viku.  Vaktir fara síðan upp í 30 klst samfelldri vinnu það er ekki beinlínis að auka hreysti og vellíðan ungra lækna.

Hér fara hins vegar allir að hlæja þegar maður segir frá þeim að í Evrópu séu í gildi lög um 48 klst hámarksvinnuviku.  Slíkt er nánst flokkað sem frí hér í landi.

Athugasemdir

[Þorvarður Ragnar Hálfdanarson, 10.9.2007 kl. 18:41]

Jamm, það er af sem áður var er maður náði 115 klst á viku á gjörgæslunni...

[Hjalti Már Björnsson, 11.9.2007 kl. 01:03]

Já, á slysaskurðdeildinni þar sem ég vinn þennan mánuðinn er meira að segja verið að gefa læknum frí stöku virka daga ef unnið er yfir helgi. 

Síðustu viku var samt unnið í 92 klst.

Vesalings fólkið sem er hér í 5 ára prógrammi af þessu vinnuálagi er flest ekki sérlega glaðlegt.