Er það?

Vissulega er þetta hlutfallsleg fjölgun fyrirtækja og uppbygging á öflugum iðnaði.  Mér þætti samt áhugavert að sjá hvernig Ísland stendur sig í þessum geira í samanburði við nágrannalöndin. 

Einhvern vegin grunar mig að sá samanburður komi ekki allt of vel út.

Fyrirtækjum í upplýsingatækni fjölgar hratt

35 ára afmælið

Þessi dagur þar sem ég er hálfnaður í sjötugt byrjar bara ágætlega.  Wulff dagsins yfir meðallagi og alltaf bragðast lífræni fair trade kaffibollinn á Hljómalind vel.

Hóstaði aðeins yfir morgunmatnum við að lesa frétt um komu heimsþekkts hagfræðings hingað til lands sem benti á að fjármálakerfi jarðarinnar væri háð neyslu bandaríkjamanna.  Nú þegar líkur væri á að þar yrði dregið úr neyslunni væri því svart framundan og eini bjargvætturinn væri ef Indland og Kína færu að taka við sér í neyslunni.  Bráðnauðsynlegt alveg hreint.

Einmitt.

Nafn fræðigreinarinnar hagfræði er ég farinn að halda að sé rangnefni.  Hagur fólks fer eftir ótal hlutum en eftir því sem sést til starfa hagfræðinganna snýst þeirra vinna eingöngu um peningalegu hliðina.  Hagfræðin ætti að fela í sér umfjöllun á hag fólks í mun víðari samhengi.

Í tilefni dagsins er erfitt annað en að hugsa fram í tímann, hvernig verður heimurinn þegar ég hef lifað í önnur 35 ár - sem ég ætla mér sannarlega að gera hið minnsta.  Ef við horfum lengra en afborganir næstu mánaða fer etv að vera ástæða til þess að vona að almennileg peningaleg kreppa komi í bandaríkjunum til að minnka gengdarlaus rányrkju þeirra á auðlindum sem ættu að nýtast komandi kynslóðum.  Ef efnahagslægð kemur er ekki eins og megiþorri fólks t.d. hér á landi muni svelta eða líða skort, meirihlutinn mun bara fækka utanlandsferðum, kaupa sér ódýrari bíl og henda eldhúsinnréttingunni á 10 ára í stað 3 ára fresti.

En, ekki ætla ég að verja öllum þessum merka degi í að grufla yfir þessum hlutum, nóg annað skemmtilegra að gera.

Menningarmunur

Áhugavert smáatriði.  Skv þessari frétt er munur á því hvernig vesturlandabúar og japanir horfa á andlit.  Munurinn sést á því hvernig broskarlar eru búnir til í texta, okkar broskarl byggir tjáningu sína á munnsvip með táknunum

:) og :(

á meðan japansku táknin eru 

(^_^) og (;_;)

og tjáningin í augnsvipnum.

 

 

Smá mistök

Hjá CNN á föstudaginn.

Átti víst að segja frá því að annar B-maður væri hættur.

 

Spennandi starf...

... sem ég vissi ekki að væri til.

 

 

glumbert.com - High Power Job

Bloggleiði

Mér er eiginlega farið að leiðast í bloggheimum nú í aðdraganda kosninganna.  Leigupennar, áróðursmeistarar, fylgisspakir sauðir og aðrir misáhugaverðir bloggarar eru margir orðnir svo ofvirkir að það verður einhvern vegin minna áhugavert að sitja við skriftir.  Okkar flokkur er æði og leiðtoginn bjargvættur þjóðarinnar.  Allt sem hitt liðið segir er lýgi. 

Ætli þetta róist ekki eitthvað eftir helgina.

Augljóst er annars að þær skoðanakannanir sem við höfum séð síðustu 2 daga eru hreint bull, fylgissveiflur eins og hafa sést hjá siðspillta afturhaldsflokknum sem kennir sig við framsókn geta hreinlega ekki staðist og hljóta að vera mælisskekkja.  Að heyra síðan hvern spekinginn á eftir öðrum rýna í þessar kannanir er álíka vísindalegt og samnorræna evróvisíonspjallið í sjónvarpinu, nema bara ekki vitund skemmtilegt.

Eins og ég hef almennt mikinn áhuga á þjóðmálum leiðast mér stjórnmálaflokkar og klíkumyndunin í kringum þá jafn mikið.  Ég vona að fólk sjái í gegnum bjánaleg kosningaloforð og borðaklippingar stjórnarflokkanna undanfarinna vikna.  Hver tekur mark á loforðum frá þeim sem hafa verið við völd í rúman áratug, þeir eiga að leggja verk sín í dóm kjósenda.  Vissulega hafa þeir gert margt ágætt en loforðin eru orðin að hreinni þvælu.

Fyrir þessar kosningar skil ég ekki fólk sem lítur á eitthvað annað en umhverfismál sem mikilvægasta kosningamálið.  Því miður eru margir sem neita að horfast í augu við það, en yfirgnæfandi vísbeningar eru um að lífríki jarðarinnar sé nú í stórkostlegri hættu og nauðsynlegt að bregðast strax harkalega við.  Hvernig einhverjum getur dottið í hug að tvöföldun Hellisheiðar, hækkun persónuafsláttar eða stytting einhvers biðlista skiptir meira máli undirstaða lífsins á jörðinni er ofar mínum skilningi.  Auðvitað má vinna að þeim málum einnig, en náttúran á skilyrðislaust að vera efst á blaði.

Síðan skipti máli, hvað mitt atkvæði varðar, að stjórmálamenn og flokkarnir séu sannarlega að vinna að heilindum í þágu landsins og af virðingu fyrir lýðræðinu.  Í ljósi þessarar reglu er líklega hægt að réttlæta að kjósa alla flokka nema framsókn. 

 

Til hvers?

Ekki veit ég, frekar en líklega nokkur annar til hvers ætti að nota svona grip.

Fær mann samt til að hugsa.

Grænt eða grátt

Bætt lágtækniaðstaða

Þessi frétt kemur að kjarna þess sem til stendur að gera á LSH með nýrri byggingu, að bæta lágtækniþjónustuna.  Með þeirri byggingu sem ranglega hefur verið fjallað um sem "nýtt hátæknisjúkrahús" á ekki að auka á nokkurn hátt við hátækniþjónustu, einungis að bæta aðstöðuna fyrir þá þjónustu sem nú er veitt m.a. á göngum úreltra bygginga. 

Þegar Íslendingar ferðast láta þeir ekki bjóða sér að búa á hótelherbergi með þremur ókunnugum, hvað þá að sofa dögum saman í rúmi á gangi hótelsins.  Við öll sem búum í þessu landi þurfum hins vegar að liggja á  stofu með öðrum sjúklingum eða frammi á gangi ef það á fyrir okkur að liggja að lærbrotna eða fá lungnabólgu.  Sjálfur vil ég ekki búa við slíkt ástand.

Má ég biðja þá sem leggjast gegn byggingu á nýju húsnæði fyrir LSH að prófa að reyna að sofa eina nótt á gangi sjúkrahússins.  Sjáum hvort þeir skipti um skoðun. 

Einstaklingssjúkrastofur með baði efst á óskalistanum

Moneygami

Moneygami = Origami með peningaseðlum = nýtt áhugamál, fyrir þá sem þjást af skortri slíkra.