Boston Now

Á netspjallinu vestanhafs er farið að fjalla um BostonNOW, nýtt blað sem væntanlegt er í útgáfu á næstunni.  Það nýja við þessa útgáfu að þeir ætla sér að ganga talsvert lengra en mogginn hefur gert hvað bloggarana varðar - BostonNOW á að vera skrifað að miklu leyti af bloggurum. 

Áhugaverð tilraun sem er að strax farin að vekja athygli, er þetta ekki íslenskt útrásarframtak?

http://www.bostonnow.com/

Confessions of an Economic Hit Man

 Ég er satt að segja aðeins sleginn þessa dagana eftir að hafa verið að horfa á ræður John nokkurs Perkins á netinu.  John þessi starfaði óbeint áratugum saman fyrir ameríska heimsveldið, en í kjölfar atburðanna 11. september fannst hann ekki geta þetta lengur, hann yrði að segja heiminum frá því hvað hann hafði verið að fást við. 

 Í stuttu máli þá starfaði John við að fara til ríkja í Austurlöndum nær, Mið- og Suður Ameríku og víðar.  Þar heimsótti hann þjóðarleiðtoga með tilboð um að gera þá persónulega moldríka, og gera þeim einnig ljóst að ef þær væru ekki samvinnuþýðir myndi það kosta þá lífið.  Ef menn vildu ekki hlýða voru sendir sjakalarnir til að drepa þjóðarleiðtogana og hann telur upp langan lista slíkra sem BNA lét taka af lífi.  Einungis ef það ekki bar árangur var herinn sendur inn, líkt og gerðist þegar Hussein vildi ekki lengur spila með þeim og krafðist þess að Írakar myndu njóta olíunnar sjálfir, ólíkt Saudi Arabíu.  

Rakið er hvernig Alþjóðabankinn hefur starfað, lánað fátækum þjóðum of háar fjárhæðir til að byggja upp þungaiðnað sem aldrei gat gagnast nema örfáum auðmönnum landsins en ekki öreigunum.  Allt með því skilyrði að samið væri við bandarísk fyrirtæki og oft voru peningarnir bara millifærðir beint til fyrirtækja í Washington.  Þegar þjóðirnar síðan gátu ekki borgað af lánunum er hægt að kúga löndin til að opna fyrir arðrán auðlinda eða beitingu atkvæða í SÞ eftir hentugleika.  Fátæka fólkið hefur þá setið uppi með skuldirnar.

John rekur hvernig lýðræði hefur í raun ekki verið virkt áratugum saman í Bandaríkjunum, örfáir auðhringir hafa allt of lengi getað keypt kosningar og völd og notað stjórnmálamenn fyrir fyrirtækin, fengið þá til að hætta að starfa í þágu þjóðar sinnar.  Svona virkaði þetta þegar Perkins starfaði sem "Economic Hit Man" og svona ganga hlutirnir fyrir sig enn þann dag í dag.

Ég veit ekki hvað ykkur finnst, en eftir að hafa horft á klukkustundarlangan fyrirlestur John Perkins þá trúi því sem hann er að segja.  Eftir stutta netleit finn ég amk ekkert um að fullyrðingar hans séu hraktar.  Vissulega er margt af því sem hann hefur að segja eitthvað sem flest upplýst fólk hefur talið sig vita, það er samt áhrifaríkt að heyra innanbúðarmann lýsa því sjálfur hvernig stórfyrirtækin hafa kúgað heiminn. 

Það jákvæða við að hlusta á John er hversu mikla trú hann hefur á að hægt sé að breyta þessu.   Öll búum við á sömu kúlunni og þegar upp er staðið vilja allir jarðarbúar betri heim.  Ef skapaður er þrýstingur með því að kjósa heiðarlega stjórnmálamenn og krefjast bættrar umgengni við náttúruna er allt hægt.  Heimurinn hefur áður risið upp og losað sig við spillta leiðtoga. 

Stuttur útdráttur er hér að neðan og ég mæli með því að verja fáeinum mínútum í að hlusta á manninn.  Fyrir þá sem vilja kynna sér málið nánar má heyra fyrirlestur í fullri lengd á slóðinni: http://www.yoism.org/?q=node/292

Einnig má lesa bók John Perkins, "Confessions of an Economic Hit Man" sem kom út á síðasta ári.

Shift happens

Tónlist fyrir íbúð og 6 trommara

Svíar geta verið hreinir snillingar, takið eftir smokkanotkuninni...

 

Thou shalt always kill

Jaá, tímamótamyndband hér með Dan Le Sac vs Scroobius Pip.  Virðist vera Sasha Baron Cohen og, hvað eigum við að giska á - Fatboy Slim?

TED - Technology, Entertainment and Design

Fyrirlestrahald í stjórnunarfræðum er yfirleitt vel borgað starf, enda venjulega rándýrt að fá að hlusta á snilldina.

TED - Technology, Entertainment and Design halda reglulega ráðstefnur þar sem helstu hugsuðum jarðarinnar er boðið að halda fyrirlestra.  Efnið er síðan aðgengilegt á síðunni: 

http://www.ted.com/

 

Skárra en að horfa á Leiðarljós. 

Ekki sannað að penzím gagnist gegn flensu í mönnum

Til þess að t.d. lyf sé talið gera gagn við ákveðnum sjúkdómi er nauðsynlegt að gera rannsókn á stórum hópi einstaklinga sem skipt er í tvennt.  Fær annar hópurinn hið virka lyf en hinn lyfleysu, en hvorki sjúklingarnir, né sá læknir sem þá annast og metur árangurinn, veit hver er að fá hið virka lyf og hver lyfleysu.  Venjulega reynist lyfleysuhópurinn fá einhvern bata, en með tölfræðilegum aðferðum er síðan greint hvort marktækt betri árangur náist með notkun hins virka lyfs.  Aðeins að undangengnum slíkum rannsóknum er hægt að fullyrða að lyfið hafi áhrif, en þó hægt sé að finna einstaklinga sem hafa prófað lyfið og finnst það hafa gert gagn er ekki hægt að líta á það sem sönnun um gagnsemi. 

Það sama á við um þessar rannsóknir Jóns Braga, þær eru einungis lofandi vísbendingar um að efnið geri gagn.  Þar sem hættan á fuglaflensufaraldri er því miður mjög raunveruleg er ástæða til að gleðjast yfir þessum niðurstöðum og setja enn aukinn kraft í auknar rannsóknir.  

Penzím hefur því miður aðallega verið markaðssett á grunni jákvæðrar umsagnar einstaklinga sem eru ánægðir með áhrifin.  Þar til ég sé einhverjar niðurstöður sem mark er á takandi um efnið mun ég ekki mæla með notkun þess. 

Penzím vinnur bug á flensuveirum

Byssur

Bara fyrst farið er að ræða byssulögjöfina í kjölfar hörmunganna í BNA, þá segir þessi einfalda mynd meira en mörg orð um málið.  Ströng lögjöf um skotvopnaeign er líklega einhver mikilvægasta forræðishyggja sem samfélagið getur komið á til að forða okkur frá svona atburðum.

Stöndum vörð um skotvopnalöggjöfina okkar.

Hósti við hjartastoppi?

Á netinu hefur nú mánuðum saman gengið manna á milli PP myndasýning þar sem fólki er sagt að hósta af öllu afli ef hjartað stöðvist.  Þar sem þessir hlutir virðast vekja áhuga, amk nægilega til að þetta er látið ganga áfram, er líklega rétt að útskýra aðeins um hvað málið snýst.

Það er þekkt að ef hjarta stoppar vegna sleglatifs er hægt að viðhalda einhverju blóðflæði með því að hósta hratt og kröftuglega.  Þegar andað er inn dregst blóð inn í brjóstholið og þar með hjartað vegna undirþrýstings og svo þegar hóstað er úr er því þrýst áfram út í slagæðakerfið. 

Í upphafi hjartaþræðinga var notað skuggaefni sem sprautað var í kransæðar sem gat valdið hjartastoppi.  Eldri hjartalæknar sem ég hef rætt við sem framkvæmdu hjartaþræðingar á þessum tíma segja það hafa verið hluta undirbúningsins að fræða sjúklinginn um að hann þyrfti að vera tilbúinn að hósta hratt og kröftulega væri hann beðinn um það.  Ef þetta var vel gert gat sjúklingurinn oft haldið sér vakandi örstutta stund, þó svo að hjartað væri stopp.

Gallinn við þetta allt er að þegar hjarta fólks stöðvast missir það nánast samstundis meðvitund áður en það átti sig á því hvað er að gerast.  Það getur því ekki tekið meðvitaða ákvörðun um að byrja að hósta líkt og þegar fylgst er stöðugt með hjartslættinum í hjartaþræðingu.  Ef hóstablóðflæði á að duga til að halda viðkomandi vakandi er líklega nauðsynlegt að liggja alveg flatur en sé það gert er vissulega fræðilega mögulegt að viðkomandi geti teygt sig í gemsann og hringt eftir aðstoð.  Læknir og sjúkraflutningamenn gætu því komist á staðinn í tæka tíð til að stuða hjartað aftur í gang.

Mér vitanlega hefur bara aldrei verið lýst að þessi tækni hafi bjargað mannslífi og því er alls ekki eytt dýrmætum tíma á skyndihjálparnámskeiðum til að kenna þetta.  Þetta eru pælingar en ekki vísindi.  Það slæma við þessa flökkusögu netsins er að ekki er tekið fram að hringja þurfi strax á aðstoð.

Í raun snýst skyndihjálp um að kenna bara það mikilvægasta, annars er hætta á að það mikilvæga gleymist í óþörfum smáatriðum.  Því miður munu flestir ef ekki allir þurfa að beita skyndihjálp einhvern tíma og því miður oft á einhverjum nákomnum, mikilvægt er því að flækja málið ekki með atriðum sem ekki er sannað að geri gagn. 

Ráðlagt er að allir sæki námskeið í skyndihjálp amk annað hvert ár.  Ég vil benda á Rauða Kross Íslands þar sem boðið er upp á námskeið af af ýmsum gerðum. 

100.000 tölur

Skemmtileg prentvilla.  Ekki að það sé lítil aðstoð við fólkið sem
við veittum pólitískan stuðning til að senda á vergang að senda 100.000
tölur.  Þeir hafa varla öðrum hnöppum að hneppa.

Ísland veitir 100 þúsund dölum til íraskra flóttamanna